Aurora – Namigay ng libreng sorbetes ang 2nd Provincial Mobile Force Company, Aurora PNP sa mga bata sa Sitio Dumaguipo, Brgy. Cozo, Casiguran, Aurora nito lamang Oktubre 22, 2022.
Ang naturang aktibidad ay sa ilalim ng pamumuno ni Police Colonel Myles Angel Pascual, Officer-In-Charge ng Aurora Police Provincial Office at sa pangunguna ni Police Major Jeffrey Onde, Officer-In-Charge ng Second Provincial Mobile Force Company ng Aurora PPO.
Umabot sa 25 na bata ang nabigyan ng libreng sorbetes at nagkaroon ng palaro kasama ang Aurora PNP.
Ang aktibidad ay kaugnay sa Peace and Security Framework ng Pambansang Pulisya na Malasakit, Kaayusan, Kapayapaan tungo sa Kaunlaran.
Ang Pambansang Pulisya ay patuloy sa pagbibigay ng serbisyo sa mga kabataan at mapaigting ang ugnayan ng PNP at komunidad.
Source: 2nd PMFC, Aurora PPO
Panulat ni Police Corporal Jeselle Rivera
