Daet, Camarines Norte – Nabuwag ang isang drug den at nakumpiska ang tinatayang nasa Php136,000 halaga ng shabu sa buy-bust operation ng Daet PNP at PDEA Camarines Norte Provincial Office sa Purok 6, Barangay Calasgasan, Daet, Camarines Norte nitong Linggo, Oktubre 23, 2022.
Kinilala ni Police Lieutenant Colonel Arnel De Jesus, Chief of Police ng Daet Municipal Police Station, ang tatlong mga suspek na sina Eric Balmes y Corsino, 34, drug den maintainer, Allan Mark Ilan y Gabo, 35, at Eddie Sablaon y Losa, 40.
Ayon kay PLtCol De Jesus, naaresto ang mga suspek sa pinagsanib na pwersa ng mga operatiba ng Daet MPS, PDEA Camarines Norte, PDEA Catanduanes at Camarines Norte Police Provincial Office-Provincial Intelligence Unit.
Ayon pa kay PLtCol De Jesus, nabuwag ang isang drug den at nakumpiska ang humigit-kumulang 20 gramo ng shabu na tinatayang nagkakahalaga ng Php136,000.
Nakuha rin sa mga suspek ang iba pang ebidensya tulad ng drug paraphernalia at buy-bust money.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang Pambansang Pulisya ay patuloy lamang sa pagsasagawa ng mga operasyon laban s ilegal na droga para sa mithiing magkaroon ng drug free community.
Source: Daet MPS
