Tarlac – Nagsagawa ng Community Outreach Program ang 2nd Provincial Mobile Force Company ng Tarlac PNP sa mga katutubong Aeta sa Sitio Poquis, Brgy. Maasin, San Clemente, Tarlac, nito lamang Sabado, Oktubre 22, 2022.
Ang naturang aktibidad ay pinangunahan ni Police Lieutenant Colonel Franklin Estoro, Force Commander ng Second Provincial Mobile Force Company ng Tarlac Police Provincial Office kasama ang Rich Out Women’s Advocacy Group (ROWAG).
Umabot sa 50 na katutubong Aeta ang nabigyan ng libreng bigas, gamit sa bahay, libreng pagkain at libreng school supplies para sa mga kabataan.
Layunin nito ang matulungan ang mga katutubo na nasa kabundukan o liblib na lugar.
Ang Pambansang Pulisya ay patuloy sa pagbibigay ng serbisyo para sa mga mamamayan at mapagtibay ang ugnayan ng PNP at pamayanan.
Source: 2nd PMFC, Tarlac PPO
Panulat ni Police Corporal Jeselle Rivera
