Naglunsad ng PROJECT I. L. A. W. (Inihahandog namin ang Liwanag sa inyong tahanan na magbibigay pag-Asa sa pamilyang higit na nangangailangan galing sa Lady Warriors) na ginanap sa Brgy. Bannawag Norte, Santiago City noong ika-23 ng Oktubre 2022.
Ang aktibidad ay inisyatibo ng Santiago City Mobile Force Company sa ilalim ng pamumuno ni PLtCol Myla Paguyo, Officer-In-Charge kasama ang mga tauhan nito.
Sa pakikipagtulungan ng mga Brgy. Officials at Gawad Kalinga President, Mr. Ricardo Lucero ay naipamigay ang mga solar lights sa 18 na sambahayan sa nasabing barangay.
Layunin ng proyekto na mabigyan ng sapat ng ilaw ang mga tahanan sa malalayong lugar na nangangailangan nito at makatulong sa komunidad ng pagpapanatili ng kaayusan at kapayapaan tungo sa maunlad na pamayanan.
Source: Santiago, CMFC
Panulat ni PSSg Jerlyn V Animos
