Tacloban City – Arestado ang isang High Value Individual sa isinagawang buy-bust operation ng PNP-PDEA 8 sa Barangay 63 Mahayahay, Sagkahan, Tacloban City nito lamang ika-22 ng Oktubre 2022.
Kinilala ni Police Captain Juan Eliezer Abellon, Officer-In-Charge ng Tacloban City Police Station 3, ang naaresto na si alyas “Jun”, 29, walang trabaho at residente ng Barangay 63 Mahayahay, Sagkahan, Tacloban City.
Ayon kay PCpt Abellon, matagumpay na naaresto ang suspek ng pinagsanib na pwersa ng Drug Enforcement Unit ng Tacloban City PS3 at Philippine Drug Enforcement Agency Regional Office 8.
Narekober kay alyas “Jun” ang limang pirasong heat-sealed transparent plastic sachet na naglalaman ng puting crystalline substance na hinihinalang shabu na may tinatayang halaga na Php70,000.
Nahaharap ang suspek sa kasong paglabag sa Section 5 at 11 sa ilalim ng Article II ng RA 9165 o Comprehensive Dangerous Drugs Act of 2002.
Ang Tacloban City PNP katuwang ang PDEA ay patuloy sa kampanya laban sa ilegal na droga at kriminalidad para sa ligtas, maayos at mapayapang komunidad.
Panulat ni Patrolwoman Rialyn B Valdez
