Tarlac City – Nagsagawa ng Symposium on Drug Education ang Tarlac PNP sa mga mag-aaral ng Tarlac State University Lucinda Campus, Maliwalo, Tarlac City nito lamang Huwebes, Oktubre 20, 2022.
Ang naturang pagtuturo ay pinangunahan ni Police Lieutenant Colonel Ariel Enriquez, Chief, Police Community Affairs and Development Unit ng Tarlac Police Provincial Office kasama ang mga guro ng naturang paaralan.
Umabot sa 1,200 na estudyante ang nabigyan ng kaalaman patungkol sa masamang dulot ng ilegal na droga sa katawan na sumisira sa kinabukasan ng mga gumagamit nito.
Samantala, nagbigay kaalaman din kaugnay sa Executive Order No. 70 National Task Force to End Local Communist Armed Conflict (NTF-ELCAC).
Ang Pambansang Pulisya ay mahigpit sa pangangampanya laban sa ilegal na droga at terorismo.
