Tanauan City, Batangas – Nagsagawa ng Community Outreach Program ang Regional Police Community Affairs and Development Unit 4A at Regional Mobile Force Battalion Curao sa Brgy. Ambulong, Tanauan City, Batangas nito lamang Miyerkules, Oktubre 19, 2022.
Ang aktibidad ay pinangunahan ni Police Lieutenant Colonel Owen Banaag, Officer-In-Charge ng RPCADU 4A at Police Lieutenant Maria Ailyn Franca, Team Leader ng RMFB Curao katuwang ang mga miyembro ng SAMMA TAAL, Barangay Officials at boluntaryong mamamayan ng nabanggit na lugar.
Ang mga grupo ay naglinis at nagtanggal ng mga basura o damong-dagat sa baybayin.
Nagtanim ng 20 rambutan seedlings at nagkaroon din ng feeding Program kung saan namahagi ng mainit na sopas at tinapay.
Bukod dito, nagkaroon din ng kaunting talakayan patungkol sa mga programa ng pamahalaan na makakatulong sa kanilang pagbagong buhay at pagtuligsa sa makakaliwang grupo.
Layunin nitong palakasin ang ugnayan ng pulisya at mga mamamayan tungo sa kaligtasan, kaayusan at kapayapaan sa komunidad.
Panulat ni Police Staff Sergeant Donabel Dulin
