Naaresto ng Cordova Drug Enforcement Unit sa pangunguna ni PCpt Ramil Q Dugan, Chief, DEU sa pakikipagtulungan ng Philippine Drug Enforcement Agency (PDEA) ang tatlong (3) suspek sa magkasunod na buy-bust operation sa Brgy. Ibabao, Cordova, Cebu noong Nobyembre 18, 2021.
Kinilala ang mga suspek na sina Gerald Encallado Inoc, 27 taong gulang at Romnick Bentulan Jimenez, 32 taong gulang, na naaresto sa may Purok Centro ng Barangay Ibabao bandang alas 8:00 ng gabi habang naaresto naman si Reymond Adulfo Leptin, 36 taong gulang sa Sitio Sun-ok ng nasabing barangay bandang 9:30 ng gabi.
Ang mga naturang suspek ay nasa ilalim ng Cordova Drug watchlist na nakategorya bilang Street Level Individual.
Nasa kustodiya na ngayon ng Cordova Police Station ang mga nasabing suspek at nahaharap sa kasong paglabag sa Sec 5 at 11 (sale and possession of illegal drugs), Art II ng RA 9165.
######
Panulat ni: Patrolwoman Darice Anne Regis
