Surallah, South Cotabato – Tinatayang Php102,000 na halaga ng hinihinalang shabu ang nasabat ng Surallah Municipal Police Station sa isang Checkpoint sa Brgy. Dajay, Surallah, South Cotabato nito lamang ika-20 ng Oktubre 2022.
Kinilala ni Police Lieutenant Colonel Jomero Casildo Seninta, Acting Chief of Police ng Surallah MPS ang mga suspek na sina Edgardo Amazon Amparo Jr, 40, residente ng Zone II-B, Brgy. Libertad, Surallah, South Cotabato at Dindo Diloao Amparo, 40, residente ng Purok Pag-asa, Brgy Reyes, Banga, South Cotabato.
Ayon kay PLtCol Seninta, Bandang 10:20 ng umaga ng Oktubre 20, 2022, nakatanggap sila ng impormasyon mula sa confidential agent tungkol sa dalawang suspek kaya agad silang nagsagawa ng Checkpoint Operation.
Narekober sa dalawang suspek ang tatlong pirasong heat-sealed plastic sachets ng hinihinalang shabu na may timbang na 15 gramo na tinatayang nagkakahalaga ng Php102,000.
Nahaharap ang dalawang suspek sa kasong paglabag sa Section 11 ng Republic Act 9165 o Comprehensive Dangerous Drugs Act of 2002.
Panulat ni Patrolman Charnie Atienza Mandia
