Cainta, Rizal – Tinatayang Php102,000 halaga ng shabu ang nasabat sa isang senior high school student sa ikinasang buy-bust operation ng Cainta PNP nito lamang Huwebes, Oktubre 20, 2022.
Kinilala ni Police Brigadier General Jose Melencio Nartatez Jr, Regional Director ng Police Regional Office 4A, ang suspek na isang Senior High School student na may alyas na “Blue”, residente ng Cainta, Rizal at isa sa Cainta MPS Drug Watch List.
Ayon kay PBGen Nartatez Jr, bandang 7:35 ng umaga naaresto ang estudyante sa Don Celso Tuason Avenue Brgy. San Juan, Cainta, Rizal ng Cainta Municipal Police Station Drug Enforcement Team.
Narekober sa suspek ang 12 pirasong heat-sealed transparent plastic sachets ng hinihinalang shabu na may timbang na 15 gramo at tinatayang nagkakahalaga ng Php102,000, isang coin purse, isang Rusi motorcycle at buy-bust money.
Nahaharap ang suspek sa kasong paglabag sa Section 5 at 11, Article ll ng Republic Act 9165 o Comprehensive Dangerous Drugs Act of 2002.
Samantala, pinuri at pinasalamatan ni PBGen Nartatez Jr ang Cainta PNP sa mahigpit na pagpapaigting sa kampanya laban sa ilegal na droga para maiwasan ang buhay na masisira lalo na sa mga kabataan at mapanatili ang mas ligtas, maayos at tahimik na probinsya.
Source: Police Regional Office 4A
Panulat ni Police Staff Sergeant Donabel Dulin
