Nagsanib pwersa ang San Guillermo PNP, BFP at 86th Infantry Battalion ng Philippine Army ng Isabela bilang implementasyon ng PROJECT Pulis, Sundalo at Bumbero sa pagsagawa ng Community Outreach Program sa Dingading Primary School ng San Guillermo, Isabela nitong ika-18 ng Oktubre 2022.
Sa ilalim ng pamumuno ni PMaj Merwin Villanueva, Chief of Police, San Guillermo, Isabela, naisagawa ang aktibidad kasama ng 86th IB PA sa pangunguna ni Capt Reymar Inutao at BFP sa pangunguna ni FO2 Mark Joseph Ladia na dinaluhan at sinuportahan din ni Ms Lovelie Gemme Tamani, MSWDO na nagbahagi ng kaalaman hinggil sa Mental Health Awareness, Security Awareness, Deceptive Strategies of Local Communist Group, Disaster Preparedness at Reduction of Teenage Pregnancy.
Ang nasabing proyekto ay may temang “Kaagapay ng Estudyante sa Pagharap sa Hamon ng Makabagong Panahon”.
Tinanggap ng may galak ng 30 mag-aaral ang mga school supplies na ipinamahagi at masayang naisagawa ang feeding program.
Layunin ng programa na maibahagi ang makabuluhang kaalaman sa ating mga kabataan na maisabuhay at maitanim sa kanilang isipan na siyang kaagapay nila sa pagharap sa anumang hamon ng makabagong panahon.
Source: San Guillermo PS
Panulat ni PSSg Jerlyn V Animos
