Nagsagawa ng Cascading ng PNP KASIMBAYANAN (KApulisan/SIMBAhan/SambaYANAN) ang Santiago City PS 3 sa pangunguna ni PMaj Ricarte Oliveros, Station Commander, sa Brgy. Hall Patul, Santiago City noong ika-17 ng Oktubre 2022.
Alinsunod sa PNP Community Outreach Program naisagawa ang programa kasama ng Punong Barangay na si Hon. Julian Cortes, Pastor Denman Osalla, IACA Chaplaincy at iba pang BPAT members ng barangay.
Ipinaliwanag ni PMaj Oliveros ang KASIMBAYANAN at nagpahayag naman si Pastor Denman ng spiritual lesson. Pagkatapos ng talakayan ay nagpamigay ng food packs sa mga participants. Natuwa naman ang mga dumalo dahil bukod sa busog sila sa pakikinig ng kapaki-pakinabang na paksa ay nabigyan pa sila ng food packs.
Layunin ng programang ito na mabigyang importansya at mahalagang papel ang pagkakaisa at pagtutulungan ng iba’t ibang sangay ng pamahalaan gayundin ang mga sektor sa lipunan upang matagumpay na maisakatuparan ang pagpapatupad ng batas at mga programang hatid ay kabutihan at kapakanan ng makararami.
Source: Santiago City PS3
Panulat ni PSSg Jerlyn V Animos
