Guiguinto, Bulacan – Tinatayang Php3,600,000 halaga ng marijuana ang nakumpiska sa isinagawang buy-bust operation ng Bulacan PNP sa Brgy. Sta Rita, Guiguinto, Bulacan nito lamang Miyerkules, Oktubre 19, 2022.
Kinilala ni Police Lieutenant Colonel Avelino Protacio II, Acting Chief of Police ng Guiguinto Municipal Police Station, ang dalawang suspek na sina Eliterio Pazon Jr. y Celada alyas “Jun”, 28 at Hazel Domingo y Bron alyas “Hazel”, 31, pawang residente ng Masagana Homes, Brgy. Sta. Rita, Guiguinto, Bulacan,
Ayon kay PLtCol Protacio II, bandang 3:15 ng madaling araw nang maaresto ang dalawang suspek ng Station Drug Enforcement Unit ng Guiguinto Municipal Police Station at Bulacan Provincial Intelligence Unit.
Narekober mula sa dalawang suspek ang 15 kilogramo ng marijuana na may tinatayang halaga na Php3,600,000 at isang pirasong Php500 bill bilang marked money.
Nahaharap ang dalawang suspek sa kasong paglabag sa Section 5 at 11 ng Republic Act 9165 o Comprehensive Dangerous Drugs Act of 2002.
Ang Police Regional Office 3 ay patuloy ang operasyon at pangangampanya laban sa ilegal na droga na sumisira sa kinabukasan ng mamamayan at kabataan.
Source: Guiguinto Municipal Police Station
Panulat ni Police Corporal Jeselle Rivera/RPCADU 3
