Montalban, Rizal – Tinatayang Php238,000 halaga ng shabu ang nasabat sa dalawang suspek sa buy-bust operation ng Rizal PNP sa Block 18, Lot 78, Montalban Heights, Relocation, Brgy. San Jose, Montalban, Rizal nito lamang Miyerkules, Oktubre 19, 2022.
Kinilala ni Police Lieutenant Colonel Dominic Baccay, Provincial Director, Rizal Police Provincial Office, ang dalawang suspek na sina Randy Bañares y Mahinay alyas “Randy”, 43, may live-in partner, walang trabaho, residente ng Block 18, Lot 78, Montalban Heights, Relocation, Brgy. San Jose, Montalban, Rizal at Bernardo Beltran y Villaflor alyas “Bernard”, 50, may live-in partner, electrician, residente ng Block 18, Lot 15, Montalban Heights, Relocation, Brgy. San Jose, Montalban, Rizal.
Ayon kay PLtCol Baccay, bandang 3:40 ng madaling araw naaresto ang dalawang suspek ng mga operatiba ng Provincial Intelligence Unit/ Provincial Drug Enforcement Unit-Rizal Police Provincial Office.
Narekober sa suspek ang siyam na piraso ng heat-sealed transparent plastic sachets ng hinihinalang shabu na may timbang na 35 gramo na nagkakahalaga ng Php238,000, isang berdeng coin purse, isang pirasong Php500 bill at dalawang pirasong Php100 bill bilang drug money.
Nahaharap ang dalawang suspek sa kasong paglabag sa Section 5 at 11 kaugnay sa Section 26 ng Republic Act 9165 o Comprehensive Dangerous Drugs Act of 2002.
Patuloy na paigtingin ng PNP ang kampanya kontra ilegal na droga para mapanagot ang mga nagtutulak at gumagamit nito at mapanatili ang ligtas, maayos at mapayapang komunidad.
Source: Rizal Police Provincial Office
Panulat ni Police Staff Sergeant Donabel Dulin
