Naga City – Nagsagawa ng Tree Planting at Team Building Activity ang mga tauhan ng Police Station 2, Naga City Police Office sa Malabsay Falls, Barangay Panicuason, Naga City nitong Linggo Oktubre 16, 2022.
Ang naturang aktibidad ay pinangunahan ni Police Major Joseph Enguero, Station Commander, katuwang ang mga PCAD PNCO, FTX at mga bagong likhang KKDAT ng Barangay Concepcion Grande, Naga City, CENRO at Naga City Mobile Force Company.
Ang aktibidad na ito ay kaugnay sa programa ng Hepe ng Pambansang Pulisya na si Police General Rodolfo S Azurin Jr, ang MKK=K o Malasakit, Kaayusan, Kapayapaan tungo sa Kaunlaran na naglalayong pangalagaan ang ating inang kalikasan at para mas lalo pang mapagtibay ang ugnayan ng PNP, kabataan, komunidad at iba pang ahensya ng gobyerno.
Source: Naga City Police Office
