Bongabong, Oriental Mindoro – Nagsagawa ng Coastal Clean-Up Drive ang mga tauhan ng 1st Platoon, 2nd Provincial Mobile Force Company Oriental Mindoro sa Barangay Poblacion, Bongabong, Oriental Mindoro noong Oktobre 16, 2022.
Ang aktibidad ay pinangunahan ng 1st Platoon, 2nd Provincial Mobile Force Company Oriental Mindoro sa pamumuno ni Police Lieutenant Colonel Aldwin Santos, Force Commander ng 2nd PMFC, mga miyembro ng Kabataan Kontra Droga at Terorismo, tauhan ng Barangay Peacekeeping Action Team, Sangguniang Kabataan at ng mga Barangay Opisyal ng Brgy. Poblacion, sa paglilinis ng mga kalat at basura sa nasabing barangay.
Ito ay isang paraan ng pagtuturo sa mga tao na lumikha ng mga posibleng solusyon sa matagal nang problema sa solid waste sa ating mga lokal na lugar sa pamamagitan ng pag-alis ng mga basura sa mga dalampasigan at daluyan ng tubig.
Ang Pambansang Pulisya ay hinihikayat ang mga mamamayan na alagaan ang ating kapaligiran at panatilihing malinis upang magkaroon ng isang produktibong komunidad.
Source: Secondpmfc OrMin
Panulat ni Patrolman Erwin Calaus
