Bugasong, Antique – Kusang isinuko ang isang 12-gauge homemade shotgun na may kasamang isang magazine na walang serial number sa mga tauhan ng 2nd Antique Provincial Mobile Force Company nito lamang ika -17 ng Oktubre 2022.
Ayon kay Police Lieutenant Ramil C Hocog, Assistant Company Commander, ang nasabing pagsuko ay resulta ng patuloy na pagsasagawa ng information dissemination sa pamamagitan ng PNP Operations and Community Relations bilang suporta sa pagpapatupad ng OPLAN “Tokhang Kontra Armas Luthang (TKAL)” ng Police Regional Office 6 at “Armas Baylo Bugas”.
Pinuri naman ng nasabing kumpanya ang naturang pagsuko ng baril na nagpapakita lamang ng pagtitiwala at partisipasyon ng komunidad sa mga aktibidad ng PNP.
Ipinapakita sa tagumpay na ito ang layunin ng 2nd APMFC sa pagkamit ng isang mapayapa, maayos at maunlad na Northern Antique na alinsunod sa Peace and Security Framework ng PNP na tinaguriang “Malasakit, Kaayusan, Kapayapaan tungo sa Kaunlaran (MKK=K).
