Quezon City – Nagpaabot ng donasyon na I.T. equipment ang Public Safety Saving and Loan Association Inc. (PSSLAI) sa opisina ng Police Community Affairs and Development Group (PCADG) sa isinagawang turn-over of donations na ginanap sa Camp BGen Rafael T Crame, Quezon City nito lamang araw ng Martes, Oktubre 18, 2022.
Ang donasyon na dalawang brand new computer set at dalawang printer ay personal na ipinaabot ni Mr. Ulysses Dimutui, Branch Manager ng PSSLAI at Mr. Rowell Sapilan, PSSLAI Team Leader sa pamunuan ng PCADG na tinanggap ni PCol Patrick Joseph Allan, Acting Director.
Nagpaabot naman ng taos pusong pasasalamat si PCol Allan sa mga kawani at pamunuan ng PSSLAI sa donasyon na natanggap ng PCADG, aniya, “I would like to give my deepest gratitude to the staff and members of PSSLAI who generously donated these computers set and printers that will definitely help our unit through an enhanced capability in its operation, especially in rendering quality services to the Filipino people”.
Ang PCADG katuwang ang PSSLAI ay patuloy na maghahatid ng serbisyong may malasakit sa bawat kawani ng Pambansang Pulisya at magbibigay ng dekalidad na serbisyo sa bawat mamamayan para sa tunay na kaunlaran ng ating bansa.
Panulat ni PMSg Leah Lyn Q Valero
