Antipolo City, Rizal – Tinatayang Php103,500 na halaga ng shabu ang nasabat sa isang High Value Individual (HVI) at tatlong Street Level Individual (SLI) sa buy-bust operation ng Rizal PNP nito lamang Linggo, Oktubre 16, 2022.
Kinilala ni Police Lieutenant Colonel June Paolo Abrazado, Chief of Police ng Antipolo City Police Station, ang apat na suspek na sina Noriel Facun y Acol alyas “Bhong Puto”, 40, may asawa, HVI/Drug den maintainer, residente ng Sitio Imelda, Brgy. Dela Paz, Antipolo City, Rizal; Rick Villaver y Lapera alyas “Ric”, 37, cellular phone technician, walang asawa, SLI; Joyce Anne Evardone y Orpano alyas “Joy”, 27, walang asawa, pawang residente ng Sitio Mapayapa, Brgy. Dela Paz, Antipolo City, Rizal, SLI at Cristine Salines y Llano, 28, sales lady, walang asawa, residente ng Purok Silangan Brgy. Dela Paz, Antipolo City, Rizal, SLI.
Ayon kay PBGen Nartatez Jr., bandang 9:40 ng gabi naaresto ang mga suspek sa Purok Imelda, Brgy. Dela Paz, Antipolo City, Rizal ng pinagsamang operatiba ng PDEA 4A-Rizal Police Provincial Office at Antipolo City Police Station.
Narekober sa suspek ang 10 pirasong heat-sealed transparent plastic sachets ng hinihinalang shabu na may timbang na 15 gramo na nagkakahalaga ng Php103,500, drug paraphernalia, isang pirasong tunay na Php500 bill bilang buy-bust money at isang cellphone.
Nahaharap ang mga suspek sa kasong paglabag sa Section 5-7 at 11-12, Article 2 ng Republic Act 9165 o Comprehensive Dangerous Drugs Act of 2002.
Patuloy na paigtingin ng PNP sa tulong ng PDEA ang kampanya kontra ilegal na droga para mapanagot ang mga nagtutulak at gumagamit nito at mapanatili ang ligtas, maayos at mapayapang komunidad.
Source: Antipolo City Police Station
Panulat ni Police Staff Sergeant Donabel Dulin
