Malaybalay City, Bukidnon – Arestado ang isang lalaki sa kasong paglabag ng RA 9165 at RA 10591 sa ikinasang Search and Seizure Warrant ng Malaybalay City PNP nito lamang Oktubre 15, 2022.
Kinilala ni Police Lieutenant Colonel Ritchie Salva, Officer-In-Charge ng Malaybalay City Police Station, ang suspek na si Remz Jason Nulo, 26, Company Driver, residente ng Purok 3, Brgy. Dalwangan, Malaybalay City, Bukidnon.
Ayon kay PLtCol Salva, bandang 10:40 ng umaga naaresto ang suspek sa kanyang tirahan ng mga tauhan ng Malaybalay City Police Station.
Nakumpiska mula sa suspek ang anim na pakete ng hinihinalang shabu na may timbang na 15 gramo na nagkakahalaga ng Php102,000, isang unit ng caliber. 45 Pistol, Model 1911-A1 Spring field armory with serial number 647341, isang steel magazine, tatlong misfired caliber .45 cartridges, dalawang caliber .45 cartridges at isang misfired caliber .38 cartridge.
Nahaharap ang suspek sa kasong paglabag ng RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patuloy ang Bukidnon PNP sa pagsasagawa ng operasyon laban sa ilegal na droga at kriminalidad tungo sa isang mapayapa, tahimik at maunlad na komunidad.
Panulat ni Patrolman Edwin Baris/RPCADU 10
