Legazpi City, Albay – Nakapaghatid na naman ng ngiti at malasakit ang Police Regional Office 5 sa isinagawang Community Outreach Program sa Sitio San Isidro, Barangay Puro, Legazpi City, Albay nito lamang Sabado, Oktubre 15, 2022.
Ang naturang aktibidad ay may temang “DIMASukat ang Ngiti Program, Handog ng mga Kasurog” na pinangunahan ni Police Brigadier General Rudolph B Dimas, Regional Director.
Nasa 200 na kabataan ang nabigyan ng hygiene kits at iba pang mga kagamitan kaugnay sa nasabing aktibidad.
Makikita sa mga dumalo ang galak at kasiyahan sa isinagawang proyekto.
Ang bawat saya sa mukha ng mga bata ay simbolo ng liwanag at pag-asa para sa isang mas positibong kinabukasan na naghihintay sa kanila kasama ang mga kapulisan.
Source: Kasurog Bicol
