Capalonga, Camarines Norte – Arestado ng Capalonga PNP ang isang lalaki na nakatala bilang Rank 3 Municipal Most Wanted Person para sa kasong 2 Counts sa paglabag sa RA 9262 sa Purok 2, Barangay Mabini, Capalonga, Camarines Norte nito lamang Oktubre 15, 2022.
Kinilala ni PMaj Heinrich Bert T Villaluz, Officer-In-Charge ng Capalonga Municipal Police Station, ang suspek na si alyas “Lon”, 22, binata, at residente ng Purok 2, Barangay Mabini, Capalonga, Camarines Norte.
Ayon kay PMaj Villaluz, naaresto ang akusado dakong 10:00 ng umaga ng Capalonga Municipal Police Station sa bisa ng Warrant of Arrest para sa kasong 2 Counts sa paglabag sa RA 9262 o ang “Violence Against Women and their Children Act of 2004” na may kaukulang piyansa na Php144,000.
“Ipagpapatuloy ng inyong Pulis Capalonga ang paghahanap sa mga taong nagkasala at nagtatago sa batas at dalhin sila sa rehas na bakal. Kaya’t tulong-tulong at sama-sama tayong panatilihing maayos, tahimik at mapayapa ang ating pamayanan upang ligtas ang lahat ng mamamayang nakatira rito,” pahayag ni PMaj Villaluz.
Source: Camarines Norte Police Provincial Office – Pulis Bantayog
