Davao de Oro – Arestado ang isang lalaki sa isinagawang buy-bust operation ng PNP at PDEA sa Prk. Sampaguita, Brgy., Mainit, Maco, Davao de Oro, noong Oktubre 15, 2022.
Kinilala ni PMaj Madtaib Jalman, Acting Chief of Police ng Maco Municipal Police Station, ang suspek na si alyas “Opao”, 42, residente ng Prk. Bombol, Mainit, Maco, DDO na kabilang sa drug watch list ng PDEA.
Ayon kay PMaj Jalman, naaresto ang suspek sa isinagawang buy-bust operation ng pinagsamang tauhan ng Maco MPS at Police Drug Enforcement Unit -Davao De Oro kasama ang 1101st Regional Mobile Force Battalion at Regional Intelligence Unit katuwang ang Regional Special Operation Group 11.
Dagdag pa ni PMaj Jalman, nakuha mula sa suspek ang ilang pakete ng hinihinalang marijuana na may bigat na humigit kumulang 15 gramo at may street market value na Php1,000 at isang .357 revolver na may kasamang dalawang bala.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act.
Ang pagkakadakip sa suspek ay resulta ng magandang ugnayan at pagmamalasakit ng mamamayan at kapulisan sa komunidad na magdadala sa kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
