Makati City — Timbog ang tatlong suspek kabilang ang dalawang babae sa ikinasang buy-bust operation ng Southern Police District kung saan tinatayang Php455,600 halaga ng shabu ang nasabat sa kanila nito lamang Linggo, Oktubre 16, 2022.
Kinilala ni PBGen Kirby John B Kraft, District Director ng SPD, ang mga suspek na sina Marlon San Miguel Eusebio alyas “Egay”, 46 anyos; Noemi Guinto Magat, 31; at Sasha Gandawali Utto, 39.
Ayon kay PBGen Kraft, bandang alas-10:00 ng gabi nang maaresto ang mga suspek sa kahabaan ng Pateros Street, Barangay Olympia, Makati City ng mga operatiba ng District Drug Enforcement Unit ng SPD.
Nakuha mula sa mga suspek ang anim na heat-sealed transparent plastic sachet na naglalaman ng hinihinalang shabu na may timbang na 67 gramo at may Standard Drug Price Value na Php455,600, Php500 na ginamit bilang buy-bust money at kulay orange hand bag.
Samantala, mahaharap ang mga suspek sa kasong paglabag sa Sections 5 at 11, Art II ng RA 9165 o Comprehensive Dangerous Drugs Act of 2002.
Patuloy naman ang Southern Metro sa pagpapatupad ng mas pinaigting na kampanya kontra ilegal na droga at maging sa anumang uri ng kriminalidad para sa isang tahimik, ligtas at drug free na bansa.
Source: Southern Police District
Panulat ni PSSg Remelin M Gargantos
