Danao City, Cebu – Nagsagawa ng Mangrove Tree Planting Activity sa pangunguna ng mga tauhan ng Danao City Police Station sa Tawsan, Brgy. Guinsay, Danao City, Cebu noong ika-14 ng Oktubre 2022.
Katuwang sa aktibidad ang mga opisyales ng barangay, empleyado ng Beatriz D Durano Memorial National High School, at mga miyembro ng Tau Gamma Philippines.
Nakapagtanim ang grupo ng nasa mahigit 50 piraso ng halamang mangrove o propagules.
Ang aktibidad ay alinsunod sa PNP Framework na M+K+K=K o ang “Malasakit, Kaayusan, Kapayapaan tungo sa Kaunlaran”, na may hangaring mabigyan at maitaas ang kamalayan ng lipunan sa kahalagahan ng pagtatanim.
Hinimok ng PNP at lahat ng mga nakilahok ang publiko na makiisa at patuloy na suportahan ang mga programang isinusulong ng pamahalaan upang mapangalagaan at mapanatili ang kaayusan at kagandahan ng kapaligiran para sa kaligtasan, kapayapaan, at maunlad na lugar para sa bawat mamamayan.
Panulat ni Patrolman Edmersan Llapitan
