Cabugao, Ilocos Sur – Arestado ang isang Top 2 Municipal Most Wanted Person sa kasong Acts of Lasciviousness ng PNP sa Brgy. Alina-ay, Cabugao, Ilocos Sur nito lamang Biyernes, ika-14 ng Oktubre 2022.
Kinilala ni Police Major Juan Jhayar N Maggay, Chief of Police ng Cabugao Police Station, ang suspect na si Medardo Victor Garma Jr y Darmisan, 32, residente ng Brgy. Catucdaan, Cabugao, Ilocos Sur.
Ayon kay PMaj Maggay, naaresto ang suspek bandang 6:40 ng umaga ng mga operatiba ng Cabugao Municipal Police Station (lead unit), Ilocos Sur Provincial Intelligence Unit, 1st Ilocos Sur Provincial Mobile Force Company at Maritime Police Precinct.
Ayon pa kay PMaj Maggay, naaresto ang suspek sa bisa ng Warrant of Arrest sa kasong Acts of Lasciviousness in relation to Republic Act 7610 o “Special Protection of Children against Abuse, Exploitation and Discrimination Act” na may kaukulang piyansa na Php180,000.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin para mapanatili ang kaayusan at kapayapaan sa lugar.
Source: Cabugao MPS
Panulat ni PSSg Lhenee B Valerio
