Pinangunahan ng Nueva Vizcaya Police Provincial Office ang Bloodletting Activity na ginanap sa Acosta Hall, Camp Saturnino Dumlao, Bayombong, Nueva Vizcaya noong Huwebes, Oktubre 13, 2022.
Naging tema ng bloodletting activity ang “Give Blood, Save Lives” na nilahukan ng mga kapulisan mula sa iba’t ibang Police Station ng lalawigan, kabilang na ang 1st and 2nd Nueva Vizcaya Provincial Mobile Force Company (PMFC).
Nakalikom ng 13,500 CC na dugo mula sa 30 blood donors na dumaan sa mahigpit na screening na isinagawa ng mga tauhan ng Region II Trauma and Medical Center Blood Bank Department.
Layunin ng aktibidad na makapagpaabot ng tulong sa mga nangangailangan ng dugo lalo na ang mga may malubhang karamdaman.
Dagdag nito, napagtitibay din ang ugnayan ng Pulisya at iba pang sector ng lipunan upang ipadama ang malasakit sa kapwa.
Pinuri ni Police Colonel Dante A Lubos, Officer-In-Charge ng Nueva Vizcaya PPO ang mga nakilahok at hinikayat na ugaliing maging blood donor sapagkat maliban sa nakakatulong na sa kapwa ay maganda rin ang naidudulot nito sa kalusugan.
Source: Nueva Vizcaya PPO
Panulat ni Police Corporal Carla Mae P Canapi
