Zamboanga del Sur – Arestado ang isang lalaki sa isinagawang Oplan Pagtugis ng PNP Criminal Investigation and Detection Group 9 sa Zone 1, Tiguma, Pagadian, Zamboanga del Sur nito lamang Oktubre 13, 2022.
Kinilala ni Police Major William Maisog, Officer-In-Charge ng Criminal Investigation and Detection Group Zamboanga del Sur Provincial Field Unit, ang suspek na si Ray Fernandez Dorona, 42, walang asawa at residente ng Zone 1, Pagadian City Zamboanga del Sur.
Ayon kay PMaj Maisog, bandang 3:00 ng hapon nang naaresto ang suspek sa naturang lugar ng mga operatiba ng Criminal Investigation and Detection Group Zamboanga del Sur Provincial Field Unit sa bisa ng Warrant of Arrest sa kasong Bouncing Check Law.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
