Camp Sergio Osmeña Sr., Cebu City – Sa ika-35 na taon at anim na buwan na pagseserbisyo bilang alagad ng batas ni Police Brigadier General Roque Eduardo DP Vega, pormal ng iginawad ang Retirement Honor at nagkaroon ng Turn-over of Office Ceremony na ginanap sa Police Regional Office 7 Grandstand, Camp Sergio Osmeña Sr., Cebu City nito lamang Biyernes, ika-13 ng Oktubre 2022.
Pinangunahan ni PNP Chief, Police General Rodolfo S Azurin Jr. ang inihandog na seremonyang Retirement Honors para kay Police Brigadier General Roque Eduardo DP Vega, kasabay nito ang pormal na pagpasa ni PBGen Vega sa bagong talaga na Regional Director Police Brigadier General Roderick Augustus B Alba ng susi na sumisimbolo sa pamamahala sa buong kapulisan ng Police Regional Office 7.
Sinaksihan ng mga pinuno ng iba’t ibang ahensya ng Gobyerno ang naturang seremonya kasama ang PNP Command Group, PRO7 Regional Staff, at mga Chiefs of Police sa Central Visayas.
Kabilang sa mga naging kaganapan sa naturang aktibidad ay ang paggawad ng Medalya ng Katapatan sa Paglilingkod kay PBGen Vega, ang Retirement of PNP Badge at pagbababa ng kanyang watawat na simbolo ng kanyang pagreretiro sa hanay ng kapulisan, na mismong sinaksihan ng kanyang pamilya.
Sa mensahe ni PNP Chief, PGen Azurin Jr., kanyang pinuri ang dedikasyon at tapat na paglilingkod sa loob ng 35 taon at anim na buwan na pagseserbisyo bilang alagad ng batas ni PBGen Vega.
Samantala, sa valedictory address ni PBGen Vega, ipinaabot niya ang kanyang matinding pasasalamat sa lahat ng kanyang mga kasamahan at sa mga taong naging bahagi ng kanyang tagumpay.
Sa mensahe naman ng bagong talaga na hepe ng PRO7, malugod at buong-buo nitong tinanggap ang responsibilidad at tiniyak na gagawin niya ang lahat ng kanyang makakaya upang magampanan ang kanyang mga tungkulin at responsibilidad tungo sa mas maayos, mapayapa, ligtas, at produktibong komunidad.
