Sibalom, Antique – Sumuko ang isang dating miyembro ng komunistang teroristang grupo ng CPP-NPA sa mga tauhan ng Sibalom Municipal Police Station nito lamang ika-13 ng Oktubre, 2022.
Kinilala ni Police Major Renato G Monreal ll, Hepe ng Sibalom MPS ang sumuko na si alias “Nonoy” o “Bogart”, 20, walang asawa, magsasaka, residente ng Sitio Igcabalo, Brgy. Tabong-tabong, Sibalom, Antique na dating miyembro ng CTG na kabilang sa Squad 2 SFC, Kilusang Rehiyon Panay.
Ayon kay PMaj Monreal II, sumuko si “Nonoy” o “Bogart” sa pagsisikap ng mga tauhan ng 1st Antique Provincial Mobile Force Company kasama ang Sibalom MPS at ng Provincial Intelligence Unit ng Antique PPO na makumbinsi ito upang magbalik-loob sa ating gobyerno at magsimula ng bago at tahimik na pamumuhay.
Ayon pa kay PMaj Monreal II, isinuko din niya ang kanyang armas, kabilang dito ang isang yunit ng 5.56mm break top, single shot caliber pistol na may kasamang siyam na 5.56mm live ammunition at isang unit ng fragmentation grenade.
Dagdag pa, ang pagsuko ng subject person ay nagpapahayag at pagpapakita ng kanyang suporta sa unification program ng National Task Force to End Local Communist Armed Conflict (NTF-ELCAC) na programa ng gobyerno.
Hinihikayat naman ng Antique PNP ang iba pang miyembro ng CTG na kusa nang sumuko para sa ikakabuti ng kanilang buhay kapiling ang kanilang pamilya upang makamit ang kaayusan, kapayapaan tungo sa kaunlaran ng pamayanan.
Panulat ni Pat Brent Marx Ngaya-an
