Tabuk City – Tinatayang Php2,040,000 halaga ng marijuana ang nasabat sa interdiction operation na isinagawa ng mga tauhan ng Tabuk City Police Station sa Brgy. Naneng, Tabuk City, Kalinga nito lamang Huwebes, Oktubre 13, 2022.
Kinilala ni Police Lieutenant Colonel Joey Jonathan Bagayao, Officer-In-Charge ng Tabuk CPS, ang mga suspek na sina Mark Yuzon, 21, residente ng Tondo, Maynila at Jess Bilas De Guzman, 49, residente ng Dimasalang, Maynila.
Ayon kay PLtCol Bagayao, isinagawa ang interdiction operation matapos makatanggap ng tawag mula sa mga tauhan ng 2nd Kalinga Mobile Force Company na nakabase sa Dinacan, Lubuagan na isang sasakyan na Toyota Avanza na may Plate No. CBL-1947 ang umiwas sa checkpoint.
Nakumpiska ang 17 bricks ng pinaghihinalaang pinatuyong dahon at tangkay ng marijuana na may tinatayang halaga na Php2,040,000.
“Kaya, kami ay humihingi ng suporta ng aming mga nasasakupan sa pamamagitan ng pag-uulat sa mga taong nakikibahagi sa paglaganap ng ilegal na droga,” pahayag ni PLtCol. Bagayo.
Source: Tabuk City Police Station
