Puerto Princesa City, Palawan – Nagsagawa ang Puerto Princesa PNP ng Tree Planting Activity sa Bagong Bayan Elementary School, Puerto Princesa City, Palawan noong Oktubre 12, 2022.
Ang aktibidad ay pinangunahan ni Police Lieutenant Alan Delos Santos, 2nd Platoon Leader ng Puerto Princesa City Mobile Force Company sa ilalim ng pangangasiwa ni Police Lieutenant Colonel Victor Lacwasan, Force Commander ng PPCMFC.
Tumulong din sa pagtatanim ang mga miyembro ng Department of Agriculture, Palawan Research and Experiment Station, Parents Teachers Association, Brgy. Officials, mga guro at mga estudyante sa nasabing paaralan.
Umabot sa 300 na seedlings na namumunga ang naitanim ng grupo sa nasabing paaralan at namahagi pa ng libreng pagkain ang mga ito sa mga estudyante ng Bagong Bayan Elementary School Puerto Princesa City.
Samantala, hinihikayat naman ng PNP ang mga mamamayan na makiisa at makilahok sa mga programa ng Pambansang Pulisya lalo na sa pangangalaga ng ating kalikasan.
Source: Puerto Princesa City Mobile Force Company
Panulat ni Patrolman Erwin Calaus
