Laua-an, Antique – Inilunsad ng 2nd Antique PMFC ang Project “BANGKAbuhayan” sa mga residente ng Brgy. Guisijian, Laua-an, Antique nito lamang ika-12 ng Oktubre 2022.
Anim na mangingisda ang naging benepisyaryo ng proyekto na naglalayong maibalik ang mga nasirang bangka na dulot ng Bagyong Odette noong Disyembre 2021.
Ang inisyatiba na ito ay magbibigay sa mga apektadong mangingisda ng isang kabuhayan na makakatulong sa kanila na makabangon mula sa pinsalang dulot ng kalamidad.
Ito ay naaayon din sa peace and security framework ng PNP na Malasakit, Kaayusan, Kapayapaan at Kaunlaran (MKK=K) na kung saan sa pamamagitan ng programang Malasakit ay nais ng PNP na buuin ang tiwala at kumpiyansa ng mga tao sa pamamagitan ng diwa ng pagtutulungan at mga aktibidad na magpapakita ng mabuting gawain ng mga kapulisan.
