Catbalogan City – Nasakote ng mga tauhan ng Catbalogan City Police Station ang tatlong pinaniniwalaang miyembro ng organisadong shoplifters bandang 11:00 ng umaga noong Oktubre 11, 2022 sa Catbalogan City.
Ayon kay Police Lieutenant Colonel Jonathan L Cuntapay, Acting Chief of Police ng Catbalogan CPS, naaresto ang mga suspek na dalawang babae at isang lalaki na residente ng Tacloban City.
Ayon pa kay PLtCol Cuntapay, rumesponde ang kanyang mga tauhan batay sa natanggap na impormasyon mula sa mga empleyado ng Lester Lace Grocery ng naturang lungsod.
Sa impormasyong nakalap, sakay ng kulay Silver na SUV Toyota Innova ang mga suspects ng maharang ang mga ito sa may San Bartolome Street.
Nakuha naman mula sa kanilang sasakyan ang iba’t ibang klase ng mga grocery items na kanilang naipon matapos ang halos tatlong oras na paglabas pasok nito sa naturang establishment.
Ang modus ay papasok ng tindahan ang dalawang babae at itatago mga grocery items sa iba’t ibang parte ng kanilang katawan at dinadala ang mga ito sa kanilang sasakyan, at pagkatapos e-diskarga ang mga ninakaw, ang mga suspects ay magpapalit ng damit at muling babalik sa target na tindahan.
Nang mahalata ng mga empleyado ng Lester Lace Grocery ang ginagawang pagnanakaw ng mga ito, agad nilang ipinagbigay alam sa Catbalogan PNP, dahilan nang pagkakasakote ng mga kawatan.
Nakuhanan din ng umano’y granada ang mga suspects na nakatago sa loob ng kanilang sasakyan.
Pinaalalahanan naman ng kapulisan ang mga may establisyemento na maging mapagmatyag at masuri sa mga taong pumapasok at lumalabas para maiwasan ang ganitong uri ng insidente.
Panulat ni Patrolwoman Rialyn B Valdez
