Abra – Handog ng Abra PNP ang libreng school supplies at tsinelas sa Cabayuran Elementary School, Pikek Elementary School at Daguioman Elementary School, Daguiman, Abra nito lamang Oktubre 11, 2022.
Ang aktibidad ay pinangunahan ni Police Colonel Maly Cula, Provincial Director ng Abra Police Provincial Office, Police Captain Ricky Bugnay, Deputy Chief, Police Community Affairs Development Unit/PIO, Daguioman Municipal Police Station, at 1st at 2nd Abra Provincial Mobile Force Company at mga guro ng nasabing mga eskwelahan.
Ayon PCol Cula, nag-ambag-ambag ang mga miyembro ng PNPA “TANGLAW LAHI” CL 1999, PMA “MASIKHAY” CL 1999 at PMMA “MAPAGBANLAD” CL 1999 upang makalikom ng pondo para sa kanilang ipinamigay na school supplies, katuwang ang Civil Military Operations Regiment ng AFP at donasyon galing sa National Bookstore Foundation at Go Share Philippines.
Ang aktibidad ay kaugnay sa Brigada Eskwela of Ayers 99 bilang bahagi ng proyekto ng Abra PNP.
Ang Abra PNP ay patuloy na mamamahagi ng tulong at serbisyo lalo na sa mga mag-aaral upang maging daan sa pag-abot ng kanilang pangarap, bilang kaugnay sa programa ng PNP na MKK=K o Malasakit, Kaayusan, Kapayapaan tungo sa Kaunlaran.
Source: Abra Police Provincial Office
Panulat ni Patrolman Raffin Jude Suaya
