Binangonan, Rizal – Tinatayang Php546,040 na halaga ng shabu ang nasabat sa dalawang Street level Individual (SLI) sa ikinasang buy-bust operation ng PNP-PDEA sa Sitio Sto. Niño, Brgy. Bilibiran, Binangonan, Rizal nito lamang Martes, Oktubre 12, 2022.
Kinilala ni Police Brigadier General Jose Melencio Nartatez Jr, Regional Director ng Police Regional Office 4A, ang dalawang suspek na sina Roland Fedillaga y Acibar, 59, walang asawa, truck driver, residente ng Saint Monique Valais, Brgy. Pantok, Binangonan, Rizal at Romie Espinosa y Sumalinog, 53, walang asawa, tricycle driver, residente ng Sitio Sto. Niño, Brgy. Bilibiran, Binangonan, Rizal.
Ayon kay PBGen Nartatez Jr., bandang 4:00 ng madaling araw naaresto ang dalawang suspek ng mga operatiba ng Drug Enforcement Team ng Binangonan Municipal Police Station.
Narekober sa dalawang suspek ang pitong pirasong heat-sealed transparent plastic sachets ng hinihinalang shabu na may timbang na 80.3 gramo na tinatayang nagkakahalaga ng Php546,040, isang pirasong Php1,000 bill, isang itim na sling bag, isang caliber 9mm pistol na may Serial no. GD-91012094, isang magazine ng caliber 9mm pistol, limang bala ng caliber 9mm pistol at dalawang pirasong Php500 bill bilang recovered money.
Nahaharap ang dalawang suspek sa kasong paglabag sa Section 5 at 11, Article 2 ng Republic Act 9165 o Comprehensive Dangerous Drugs Act of 2002 at RA 10591 o Qualified Unlawful Possession of Small Arms and Ammunitions at RA 9516 o Illegal Possession of Explosive.
Ang Rizal PNP ay lalo pang palakasin at paigtingin ang kampanya kontra ilegal na droga at kriminalidad para sa ligtas, maayos at mapayapang probinsya para sa bawat mamamayan.
Source: Police Regional Office 4A
Panulat ni Police Staff Sergeant Donabel Dulin
