Tuguegarao City, Cagayan – Tinatayang nasa Php100,000 halaga ng marijuana ang nakumpiska sa isang suspek sa inilunsad na Search Warrant operation ng Tuguegarao City PNP at PDEA RO2 sa Lecaros Extension, Tuguegarao City, Cagayan nito lamang Martes, Oktubre 11, 2022.
Kinilala ni Police Lieutenant Colonel Richard R Gatan, Hepe ng Tuguegarao City Police Station, ang suspek na si alyas Leonardo, 24, walang asawa, isang electrician, residente ng nabanggit na lugar at kabilang sa listahan ng PNP/PDEA High Value Target.
Ayon kay PLtCol Gatan, bandang 10:00 ng gabi nang isinagawa ang Search Warrant operation ng pinagsanib na mga operatiba ng Tuguegarao City Police Station at Philippine Drug Enforcement Agency 2 sa bahay ng suspek na nagresulta sa pagkakakumpiska ng isang karton na nabalutan ng packaging tape na naglalaman ng tuyong dahon ng marijuana na tinatayang nagkakahalaga ng Php100,000 ayon sa Standard Drug Price.
Nahaharap si alyas Leonardo sa kasong paglabag sa RA 9165 o Comprehensive Dangerous Drugs Act of 2002.
Ang Cagayan Police Provincial Office sa pamumuno ni Police Colonel Julio S Gorospe Jr, Officer-In-Charge ay mas lalong paiigtingin ang mga operasyon katuwang ang PDEA RO2 upang sugpuin ang paglaganap ng ilegal na droga sa lalawigan.
Source: Cagayan Police Provincial Office
