Atimonan, Quezon – Tinatayang Php200,532 na halaga ng shabu ang nasabat sa isang suspek sa isinagawang Search Warrant operation ng Atimonan PNP nito lamang Martes, Oktubre 11, 2022.
Kinilala ni Police Colonel Ledon Monte, Officer-In-Charge, Quezon Police Provincial Office, ang suspek na si Romel Fresnillo Lubrico, 43, residente ng Brgy. Zone I, Atimonan, Quezon.
Ayon kay PCol Monte, bandang 9:05 ng umaga naaresto ang suspek sa Brgy. Zone I, Atimonan, Quezon ng Drug Enforcement Team ng Atimonan Municipal Police Station.
Narekober sa suspek ang dalawang pirasong heat-sealed transparent plastic sachets ng hinihinalang shabu na may timbang na 9.83 gramo at tinatayang nagkakahalaga ng Php200,532.
Nahaharap ang suspek sa kasong paglabag sa Section 11 Art. II ng Republic Act 9165 o Comprehensive Dangerous Drugs Act 2002.
Ang pakikipag-ugnayan ng pulisya sa komunidad ay malaking tulong sa pagpapanatili ng isang ligtas, tahimik, at payapang probinsya ng Quezon laban sa banta ng droga at anumang uri ng ilegalidad at kriminalidad.
Panulat ni PEMS Joe Peter Cabugon/RPCADU 4A
