Tambler, General Santos City – Isinagawa ng Police Regional Office 12 ang blessing at turn-over ceremony ng mga bagong yunit ng baril, ballistic helmet, table computer kasabay ng Traditional Monday Flag Raising Ceremony sa Grandstand, PRO 12, Tambler, General Santos City noong Oktubre 10, 2022.
Pinangunahan naman nina PLtCol Richelu B Alucilja, Deputy Chief, Regional Logistics and Research Development Division (RLRDD) at PBGen Rolando E Destra, Deputy Regional Director for Administration (DRDA) ang pagbabasbas at pamamahagi ng mga kagamitan na kinabibilangan ng isang daang yunit ng Basic Assault Rifle (BAR) “EMTAN”, 71 yunit ng ballistic helmet, at 36 na unit ng tablet computer.
Agad namang tinurn-over ito sa mga City/Provincial Police Office kabilang ang opisina ng Command Group, Regional Headquarters Divisions at Regional Mobile Force Battalion 12.
Samantala, ang mga bagong natanggap na operational at Information and Communication Technology (ICT) equipment ay binili ng Logistics Support Service (LSS) para ipamahagi sa iba’t ibang opisina at mobile force companies ng PRO 12 bilang pagpapalawig sa anti-criminality at insurgency campaign sa rehiyon.
Giit naman ni Police Brigadier General Jimili L Macaraeg, Regional Director ng Police Regional Office 12 na sa pamamagitan ng mga makabagong kagamitan na kanilang natanggap. Kaakibat nito ang bawat kaligtasan ng ating kapaligiran at ng pangkalahatang publiko.
Hiling naman ng Pambansang Pulisya na kanila itong pakaingatan para sa pagpapanatili ng kapayapaan at seguridad ng ating komunidad.
Panulat ni Patrolman Gio Batungbacal
