Misamis Oriental – Arestado ang isang lalaki sa isinagawang Manhunt Operation ng Medina PNP sa Purok 4, Brgy. North Poblacion, Medina, Misamis Oriental nito lamang Oktubre 11, 2022.
Kinilala ni Police Colonel Gonzalo Villamor Jr, Provincial Director ng Misamis Police Provincial Office, ang suspek na si John Mathew Dahinog Kee, 25, at residente ng Sitio Natugod, P-7, Brgy. Tambagan, Medina Misamis Oriental.
Ayon kay PCol Villamor Jr, naaresto ang suspek bandang 8:30 ng umaga ng mga operatiba ng Medina Municipal Police Station sa naturang lugar sa bisa ng Warrant of Arrest sa kasong RA 9262 o Violence against Women and their Children Act of 2004 at RA 7610 o Special Protection of Children Against Abuse, Exploitation and Discrimination Act na may kaukulang piyansa na Php200.000.
Ang Misamis Oriental PNP ay hindi titigil sa paghuli ng mga taong may pananagutan sa batas upang mabigyan ng hustisya ang mga biktima ng kriminalidad at upang matiyak ang ligtas at mapayapang lalawigan ng Misamis Oriental.
Panulat ni Patrolman Rolando T Baydid Jr/RPCADU 10
