Parang, Maguindanao – Nagsagawa ng KASIMBAYANAN Outreach Program ang mga tauhan ng Police Regional Office Bangsamoro Autonomous Region sa mga estudyante ng Punta Central Elementary School sa Parang, Maguindanao nito lamang ika-10 ng Oktubre, 2022.
Ayon kay Police Colonel Rex Derillo, Chief, Regional Staff ng PRO BAR, aabot sa 150 na estudyante ng Punta Central Elementary School ang napamahagian ng serbisyo kabilang ang pamamahagi ng Oral Hygiene Kit, School Supplies, feeding program at interpretative dance na may musikang Life is Beautiful na isinagawa ng PRO BAR Dancers at PRO BAR Combo na sinundan ng intermission ng mga estudyante ng naturang paaralan.
Dagdag pa, katuwang sa nasabing aktibidad ang mga tauhan ng Regional Community Affairs and Development Division, Regional Medical and Dental Unit BAR, 44th Special Action Company ng PNP-SAF, Regional Mobile Force Battalion 14, Parang Municipal Police Station, Regional Finance Service Office 19, Regional Special Training Unit BAR at Punta Central Elementary School.
Layunin ng aktibidad na ipatupad ang Revitalized PNP KASIMBAYANAN at programa ng Hepe ng Pambansang Pulisya na si Police General Rodolfo S Azurin Jr, na MKK=K o Malasakit, Kaayusan, Kapayapaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan at kaugnay din sa three month long activities ng PRO BAR Year-End at Thanksgiving 2022.
Panulat ni Patrolman Charlie Nasroden Corpuz
