Carmen, Bohol – Muling isinakatuparan ng mga tauhan ng Bohol Provincial Mobile Force Company ang Project SAYON “Gugmang Halad sa Bol-anon, dili gyud ma Sayon-sayon” sa mga residente ng Barangay Villa Arcayo, Carmen, Bohol nito lamang ika-9 ng Oktubre 2022.
Ang aktibidad ay pinangunahan ni Police Major Jesus Daplin, Deputy Force Commander sa ilalim ng direktang pangangasiwa ni Police Lieutenant Colonel Homobuno R Sayon, Force Commander katuwang sina EJ De Guzman, Emilda Miner at mga miyembro ng BROD Riders.
Ang Project SAYON ay isa sa Best Practices ng nasabing himpilan na hango sa apelyido ng Force Commander ng Bohol PMFC na si Police Lieutenant Colonel Homobuno R Sayon, na naglalayong maipadama sa mga Bol-anon ang malasakit, paglilingkod nang may pagmamahal at programang pagkilos na may makatotohanang pagsisikap ng Team Sayon.
Kabilang sa mga naging gawain sa nasabing programa ay ang pamamahagi ng mga inihandang pagkain at laruan para sa 60 na bata at Food Packs (Rice, Noodles, Can Goods, Coffee, Bihon, Misua, Milo, Biscuits), 100 pirasong sliced bread, 400 pirasong bottled water at mga pre-loved na damit para sa mga residente ng nasabing lugar.
Walang humpay na pagpapasalamat ang naging sukli ng mga naging benepisyaryo sa mga natanggap nilang samut-saring regalo mula sa mga nasabing grupo at personalidad, ayon pa sa mga ito, malaking bagay ang handog ng kapulisan dahil ito ang kanilang pangunahing pangangailangan sa pang araw-araw.
Patuloy ang pagsisikap ng Bohol PMFC sa pagsasagawa ng mga inisyatibo at walang humpay na paghahatid ng serbisyong makatao at may puso para sa lahat ng residenteng kanilang pinangangalagaan at kaugnay sa programa ng Pambansang Pulisya na “M+K+K= K”, Malasakit, Kaayusan, Kapayapaan tungo sa Kaunlaran.
Panulat ni Patrolwoman Jenilyn C Consul
