Aroroy, Masbate – Nakiisa ang mga tauhan ng Aroroy Municipal Police Station sa Fun Run Activity na isinagawa sa Barangay Puro, Aroroy, Masbate nito lamang Oktubre 9, 2022.
Pinangunahan ng Filminera Resources Corporation ang aktibidad kasama ang mga tauhan ng nasabing himpilan sa pangunguna ni Police Lieutenant Colonel Ronald P Pascua, Chief of Police.
Kabilang din sa nakilahok sa aktibidad ang mga tauhan ng Masbate 1st Provincial Mobile Force Company, Philippine Army at mga residente ng nasabing lugar.
Ang naturang aktibidad ay alinsunod sa Breast Cancer Awareness Month na naglalayong paigtingin ang kaalaman tungkol sa mga sanhi, sintomas at paraan ng pag-iwas sa sakit na ito.
Patunay lamang na ang PNP Bicol ay patuloy na nakikiisa sa mga programang pangkalusugan na naglalayong makatulong sa mga mamamayan para sa mas matatag na samahan ng Pulis at Komunidad.
Source: Aroroy Mps
Panulat ni PCpl Irene Honey Tria S Abad
