San Remegio, Cebu – Matagumpay na isinagawa ng mga miyembro ng 701st Maneuver Company ng Regional Mobile Force Battalion (RMFB) 7 ang Coastal Clean-up Drive sa Brgy. Anapog, San Remigio, Cebu noong ika-9 ng Oktubre 2022.
Ang nasabing aktibidad ay pinangunahan ni Police Lieutenant Ariel M Aspiras, Officer-In-Charge ng 701st MC, RMFB 7 katuwang ang mga miyembro ng Kabataan Kontra Droga at Terorismo maging ang mga pamunuan ng nasabing barangay.
Ayon kay Police Lieutenant Aspiras, ang pagsasakatuparan ng nasabing aktibidad ay naglalayon na malinis ang baybayin at mapanatili ang kalinisan ng karagatan upang ang mga buhay sa ilalim ng dagat ay maproteksyonan.
Bilang resulta ng pagkakaisa ng grupo ay mabilis na nalinis ang lugar at nalikom ang sako-sako ng mga iba’t ibang uri ng mga basura.
Ang naging hakbangin ng grupo at ang patuloy na pagsusulong ng programa ay isang indikasyon ng tapat na pagkakaroon ng malasakit ng mga ito para sa isang maayos at maunlad na kalikasan.
