Surigao del Sur – Nagsagawa ang Lianga PNP ng Tree Planting Activity sa P-6, Brgy. Anibongan, Lianga, Surigao del Sur bandang 9:00 ng umaga, Sabado, Oktubre 8, 2022.
Ang aktibidad ay pinangunahan ni Police Staff Sergeant Marlo Layno, Community Affairs and Development Police Non-Commissioned Officer ng Lianga Municipal Police Station sa ilalim ng pangangasiwa ni Police Major Johncel Barrameda, Chief of Police.
Tumulong din sa pagtatanim ang Kabataan Kontra Droga at Terorismo (KKDAT) Lianga Chapter upang mamulat ang publiko na makiisa sa layunin ng PNP na pangalagaan ang kalikasan.
Patuloy naman ang pagpupursigi ng Lianga PNP na mahikayat ang mga mamamayan ng naturang bayan na makiisa sa pagkakaroon ng malinis, maayos at mapayapang komunidad.
Panulat ni Patrolman Jhunel Cadapan/RPCADU13
