Agusan del Sur – Nagsagawa ang Loreto PNP ng Clean-up Drive mula Loreto Municipal Hall hanggang National Secondary Highway Road, Poblacion, Loreto, Agusan del Sur nito lamang Biyernes, Oktubre 7, 2022.
Ang aktibidad ay pinangunahan nina Police Corporal Frewel Gelsano, Assistant Operation Police Non-Commissioned Officer at Police Corporal Albert Bujawe, Assistant Municipal Community Affairs and Development PNCO ng Loreto Municipal Police Station sa ilalim ng pangangasiwa ni Police Captain Albert Casison, Officer-In-Charge.
Tumulong din sa paglilinis ang mga miyembro ng Alpha XI Epsilon, Theta Epsilon Loreto Chapter bilang selebrasyon nila sa kanilang 68th Founding Anniversary.
Layunin ng aktibidad na imulat ang publiko sa kahalagahan ng paglilinis ng kapaligiran sapagkat malaki ang maiaambag nito sa pagbawas ng polusyon galing sa mga basura at posibleng pagbaha dulot ng mga baradong kanal.
Ang Loreto PNP ay patuloy sa pagpupursigi na mahikayat ang mamamayan na pagtulungan ang pagkakaroon ng malinis, maayos at mapayapang komunidad.
Panulat ni Patrolman Jhunel Cadapan/RPCADU13
