Urdaneta City, Pangasinan – Arestado ang Top 9 City Most Wanted Person sa ikinasang Manhunt Charlie Operation ng mga operatiba ng Police Regional Office 1 sa Brgy. San Vicente, Urdaneta City, Pangasinan nitong Huwebes, ika-6 ng Oktubre 2022.
Kinilala ni Police Major Peter Paul Sison, Office-In-Charge ng Urdaneta City Police Station, ang suspek na si John Patrick Corpuz Lutrania, 30, residente ng Sitio Pagpagunian, Brgy. San Vicente, Urdaneta City, Pangasinan.
Ayon kay PMaj. Sison, naaresto ang suspek sa bisa ng Warrant of Arrest sa kasong 5 Counts of Lascivious Conduct na may inirekomendang piyansa na Php200,000 bawat kaso.
Ayon pa kay PMaj Sison, naaresto ang suspek bandang 7:00 ng umaga sa kanyang tinitirhan ng pinagsanib na mga tauhan ng Urdaneta City Police Station, 2nd Provincial Mobile Force Company, 5th District EOD/Canine Unit, 104th Maneuver Company ng Regional Mobile Force Battalion 1, Regional Intelligence Unit 1 at Pangasinan Provincial Intelligence Unit.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Urdaneta City Police Station
Panulat ni PSSg Bader Ceasar B. Ayco
