Villanueva, Siquijor – Nakiisa ang mga kapulisan ng Siquijor sa isinagawang Community Outreach Program sa Roxas Elementary School, Enrique Villanueva, Siquijor nito lamang Miyerkules, Oktubre 5, 2022.
Ang aktibidad ay pinangunahan ng mga tauhan ng Siquijor Police Provincial Office sa pamumuno ni Police Colonel Robert D Lingbawan, Acting Provincial Director, Siquijor PPO katuwang ang DPWH na pinamunuan ni District Engineer Gumer Castillo, PCG na pinamunuan ni Ensign Richelito Arbis at KKDAT Provincial Vice President Nikko Sayrey.
Matagumpay na nakapaghatid ng kasiyahan ang mga naturang grupo sa pamamagitan ng parlor games, pagbabahagi sa 39 na mag-aaral ng mga kagamitan sa paaralan, laruan at Feeding Program.
Ang naturang paaralan ay naghanda ng isang programa kung saan ang mga guro at mag-aaral ay nagbigay ng intermission number at ipinabatid ang kanilang pasasalamat sa pamamagitan ng isang kanta.
Patuloy naman ang pakikipag-ugnayan at pakikipagtulungan ng Siquijor PNP maging ng iba’t ibang ahensya ng pamahalaan upang makapagbigay ng pangunahing serbisyo sa mga mamamayan lalo na sa ikakaunlad ng kinabukasan ng mga kabataan.
Panulat ni Patrolwoman Jenilyn Consul
