Davao City – Tinatayang Php2,448,000 halaga ng hinihinalang shabu ang nasabat ng mga tauhan ng Toril PNP sa isang High Value Individual sa Purok 14 Crossing Bayabas Ave, Toril, Davao City, noong Oktubre 5, 2022.
Kinilala ni PMaj Carol Jabagat, Station Commander ng Toril Police Station, ang suspek na si alyas “Killua”, 38, residente ng Catalunan Pequino Davao City na tinaguriang Top 5 High Value Individual sa regional level.
Ayon kay PMaj Jabagat, naaresto ang suspek sa isinagawang buy-bust operation ng tauhan ng Special Drug Enforcement Unit ng Toril PS.
Dagdag pa ni PMaj Jabagat, nakuha mula sa suspek ang ilang malalaking pakete ng hinihinalang shabu na may bigat na humigit kumulang 136.43 gramo na may street market value na Php2,448,000 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa mga suspek ay bunga ng pagsisikap ng Police Regional Office 11 na makamit ang kanilang layunin na gawing drug-free ang rehiyon onse at sa malasakit na ipinapakita ng mga mamamayan sa kapulisan ay makakamit ang kaayusan at kapayapaan sa bansa.
Panulat ni Patrolman Alfred Vergara
