Capiz – Nagsagawa ng Community Outreach Program ang 2nd Capiz Provincial Mobile Force Company sa Apogan Primary School, Agtatacay Norte, Sapian, Capiz nito lamang ika-05 Oktubre 2022.
Ang aktibidad ay pinangunahan ni Police Lieutenant Colonel Dante S Tayco, Officer-In-Charge ng 2nd Capiz Provincial Mobile Force Company katuwang ang Sapian Municipal Police Station.
Benepisyaryo sa nasabing aktibidad ang mga mag-aaral, magulang, PTA Officers, Barangay Council at mga guro ng nasabing paaralan.
Pinasimulan ang aktibidad sa ginawang talakayan tungkol sa EO 70 NTF-ELCAC, RA 7610 at RA 9262 kasabay ng libreng gupit, feeding program at pamamahagi ng school supplies sa 44 na magaaral.
Ang Pambansang Pulisya ay patuloy sa pagbibigay ng magandang serbisyo sa ating mga mamamayan partikular sa mga magaaral na lubos na nangangailangan.
Ang nasabing aktibidad ay kaugnay sa programa ng Hepe ng Pambansang Pulisya na si Police General Rodolfo S Azurin Jr. na MKK=K o Malasakit, Kaayusan, Kapayaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan.
